Në një lokal në Prishtinë, gjatë kontrollit Policia ka gjetur aparate të lojërave të fatit. Lidhur me rastin u arrestuan dy të dyshuar, ku njëri prej tyre u dërgua në mbajtje.
Në raportin 24 orësh të Policisë, thuhet se rasti ka ndodhur në rrugën “Ahmet Derguti” të shtunën rreth orës 19:30 dhe u iniciua si “Organizim i skemave piramidale”.
“Raportohet se gjatë kontrollit të një lokali janë hasur disa aparate të lojërave të fatit; 8 ACT, 1 Merkur, 1 Kajot, dhe 1 Apex.
Lidhur me rastin dy meshkuj kosovar, janë arrestuar dhe me vendim të prokurorit një është dërguar në mbajtje, ndërsa një është liruar”, thuhet në njoftim.
