Një person është arrestuar nga Policia e Kosovës në Gjakovë, pasi dyshohet se ka shtënë me armë zjarri në një zonë të banuar.
Sipas njoftimit të policisë, ngjarja ka ndodhur rreth orës 16:30, ku në vendin e ngjarjes janë gjetur dhe konfiskuar dy gëzhoja. Arma e përdorur nuk është gjetur deri më tani.
Gjatë kontrollit në shtëpinë e të dyshuarit, janë konfiskuar dy karikatorë dhe kondaku i një arme automatike të llojit AK-47.
Pas intervistimit, me vendim të prokurorit, i dyshuari është dërguar në mbajtje.