Katër persona janë arrestuar në fshatin Dumnicë e Poshtme të Podujevës, dy prej tyre shtetas të Kosovës dhe dy të Shqipërisë.
Policia ka njoftuar se në pronën e dy kosovarëve është gjetur një sipërfaqe prej rreth një hektari e mbjellë me misër dhe lëndë narkotike të llojit kanabis.
Dy shtetasit shqiptarë dyshohet se shërbenin si punëtorë në kultivimin e bimëve narkotike.
Pas intervistimit, me vendim të prokurorit kujdestar, të katër të dyshuarit janë ndaluar në qendrën e mbajtjes nën dyshimin për veprën penale “Kultivimi i bimës së kanabisit”.