Policia ka arrestuar dy meshkuj për posedim të paautorizuar të narkotikëve, substancave psikotrope dhe analoge.
Ngjarja ka ndodhur në rrugën “Nikollë Ivanaj” rreth orës 19:45. Gjatë kontrollit, tek dy të dyshuarit u janë gjetur dhe konfiskuar 28.5 gramë substancë që dyshohet të jetë marihuanë.
"Në shtëpinë e njërit prej tyre, policia ka gjetur edhe 56.6 gramë substancë narkotike, një peshore digjitale dhe dy paketime me folje për paketimin e narkotikëve", thuhet në raportin 24 orësh të Policisë.
Pas intervistimit, të dyshuarit janë liruar me vendim të prokurorit, në procedurë të rregullt.