Një autobus nën rrethana ende të pasqaruara ka marrë flakë gjatë lëvizjes në Duhël të Suharekës.
Shaqir Bytyqi, zëdhënës i policisë në Prizren, ka konfirmuar për KosovaPress, se rasti ka ndodhur rreth orës 16:16 dhe se njësitet e policisë dhe zjarrfikësit kanë dalë menjëherë në vendngjarje.
“Zjarri është lokalizuar dhe shuar me sukses. Sipas të dhënave fillestare, si pasojë e zjarrit janë shkaktuar dëme materiale, ndërsa persona të lënduar nuk ka”.
Rasti është duke u hetuar nga njësitë përkatëse policore për të përcaktuar shkaqet.
