Policia jep detaje për të shtënat në Gjakovë, i dyshuari në mbajtje për 48 orë

Kronikë

Policia jep detaje për të shtënat në Gjakovë, i dyshuari në mbajtje për 48 orë

Më: 3 maj 2026 Në ora: 09:46
Foto ilustrim

Policia e Kosovës ka dhënë detaje shtesë lidhur me incidentin e armatosur që ndodhi një ditë më parë në një lokal në Gjakovë.

Sipas njoftimit zyrtar, rasti ka ndodhur pas një mosmarrëveshjeje të çastit, ku i dyshuari ka shtënë me armë zjarri në drejtim të një personi tjetër.

Megjithatë, viktima ka pësuar lëndime trupore jo nga arma e zjarrit, por nga një mjet tjetër i përdorur gjatë incidentit.

Në vendin e ngjarjes, njësitë policore kanë gjetur dhe konfiskuar një pistoletë si dhe një gëzhojë, që dyshohet të jenë përdorur në rast.

I dyshuari është arrestuar dhe, pas intervistimit, me vendim të prokurorit është dërguar në mbajtje për 48 orë.

comment Për komente lëvizni më poshtë
Më të lexuarat
Sot mund të lexoni Shfletoni kopertinat