Një rast i dhunës në familje është raportuar në Malishevë, ku një grua ka denoncuar bashkëshortin e saj për dhunë psikike dhe sjellje të dhunshme brenda shtëpisë, mëson media nga burime të afërta me hetimin.
Burimet bëjnë të ditur se i dyshuari në këtë rast është J. M., rreth 51-vjeçar, ndërsa viktimë Sh. M., rreth 46-vjeçar.
Sipas informatave, viktima është paraqitur në Stacionin Policor në Malishevë më 16 maj 2026 dhe ka raportuar se bashkëshorti i saj, nën ndikimin e alkoolit, kishte ushtruar dhunë psikike ndaj saj dhe kishte dëmtuar gjësende brenda shtëpisë.
Media mëson se Policia ka siguruar prezencën e të dyshuarit, por ai nuk është intervistuar për shkak të gjendjes së dehur në të cilën ndodhej.
Burimet bëjnë të ditur se intervistimi i tij pritet të bëhet më vonë, pasi t’i kalojë dehja.
Në konsultim me Prokurorin kujdestar, është urdhëruar që i dyshuari të ndalohet për 48 orë.
Ndërkohë, viktima me pëlqimin e saj është kthyer te familjarët.
Rasti është iniciuar si “Dhunë në familje”.
