​Wizz Air korrigjon emërtimin e Prishtinës pas reagimit qytetar dhe angazhimit diplomatik

Lajme

​Wizz Air korrigjon emërtimin e Prishtinës pas reagimit qytetar dhe angazhimit diplomatik

Më: 3 prill 2026 Në ora: 13:49
Foto ilustrim

Ambasada e Republikës së Kosovës në Gjermani dhe diplomati Faruk Ajeti, ka njoftuar se kompania ajrore Wizz Air ka korrigjuar përkatësinë e destinacionit të Prishtinës në sistemet e saj.

Sipas njoftimit, emërtimi i destinacionit është ndryshuar nga “Priština” në “Prishtina” ose “Pristina”, pas reagimeve të qytetarëve dhe angazhimit diplomatik të institucioneve të Kosovës në Gjermani.

Ky veprim vlerësohet si një shembull konkret i ndikimit që ka reagimi qytetar i koordinuar me diplomacinë aktive në korrigjimin e pasaktësive ndaj shtetit dhe qyteteve të Kosovës në platforma ndërkombëtare.

Ambasada e Kosovës në Gjermani u ka bërë thirrje qytetarëve që, në rast se hasin institucione apo kompani ku Republika e Kosovës ose qytetet e saj nuk paraqiten në mënyrë korrekte, të raportojnë rastet përmes adresës zyrtare elektronike, duke bashkëngjitur dëshmi përkatëse.

Sipas tyre, këto raportime do të ndihmojnë në adresimin dhe korrigjimin e pasaktësive të ngjashme në të ardhmen.

comment Për komente lëvizni më poshtë
Sot mund të lexoni Shfletoni kopertinat