Në vazhdimin e serialit të popullarizuar, “Sex and the City”, përveç Samantha Jones (të cilën e ka portretizuar Kim Cattral), do të mungojë edhe Mr. Big (që e ka luajtur Chris Noth).
Noth, aktualisht është duke luajtur në serialin “The Equalizer”, si edhe po i xhiron dy filma, “Brooklyn All American” dhe “Someday Sometime”.
Mr. Big ka qenë karakteri, në të cilin ishte e dashuruar protagonistja kryesore Carrie Bradshaw (të cilën e ka luajtur Sarah Jessica Parker).
Çifti i dashuruar madje edhe ishte martuar në filmin e bazuar në serial që u lansua në vitin 2008. Mirëpo, në filmin e vitit 2010, ata kishin pasur probleme martesore, megjithatë vendosën t’i përkushtoheshin lidhjes së tyre.
Por, në bazë të informacioneve që vijnë për episodet e reja që do të të transmetohen në HBO Max, çifti do të ndahet sërish.
Po ashtu, nuk dihet nëse do të paraqitet në serial edhe David Eigenberg (që e ka luajtur burrin e Miranda Hobbes). Në rolet kryesore do të mbesin Sarah Jessica Parker (Carrie Bradshaw), Cynthia Nixon (Miranda Hobbes) dhe Kristin Davis (Charlotte York Goldenblatt).
