Lajmi për ardhjen në shtëpinë e tij në Prishtinë të ish-kryekuvendarit të Kosovës, Jakup Krasniqi, për “arsye humanitare”, siç kishin deklaruar nga Dhomat e Specializuara të Hagës, ka disa orë që është kryefjala në mediat shqiptare.
Më pas u kuptua se arsyeja e ardhjes së tij ishte në të vërtetë gjendja jo e mirë shëndetësore e bashkëshortes së tij. Ndërkohë, të gjithë po mundohen, në mënyra të ndryshme, qoftë edhe virtualisht, t'i japin forcë atij.
Por ne pamë edhe një status që këngëtarja e njohur e muzikës së bukur shqipe, Hajrie Preniqi Gashi, kishte shkruar shumë orë më parë në rrjetin e saj social:
“Sot, më shumë se kurrë, zemrat tona janë me ju, zonja Sevdije!”, duke i bashkëngjitur edhe një ikonë të zemrës së kuqe dhe dy duar në formë lutjeje, si dhe duke postuar fotografinë që ju po e shihni.
Ne mësojmë se bashkëshortja e z. Krasniqi dhe këngëtarja janë shoqe të mira me njëra-tjetrën. Madje, zonja Sevdije është edhe një adhuruese e flaktë e muzikës që artistja këndon dhe ka kënduar ndër vite.
Gjithashtu, mësojmë se, duke qenë mikesha të mira, ajo mori pjesë dhe ishte e ftuar në koncertin recital të artistes, gjatë verës në Obiliq.
Ne, me gjithë zemër, i urojmë shërim të shpejtë gruas së fortë të ish-luftëtarit Jakup Krasniqi, ndërsa atij i urojmë lirim të shpejtë dhe kthim në Kosovë, ku të dy mund të kënaqen duke dëgjuar dhe ndjekur muzikën e artistes, si dhe shumë koncerte të artistëve të tjerë shqiptarë, kudo e ngado.BS