Alba Pollozhani, banorja e “Big Brother VIP Kosova” 4, ka lënë shtëpinë e famshme.
Lajmi është bërë i ditur përmes një njoftimi zyrtar në faqen e Big Brother VIP Kosova në Facebook.
Njëherësh, ende nuk është bërë e ditur arsyeja e largimit të saj nga gara.
Por, mbrëmë në prime ajo ka kërkuar të mbulohet.
Ajo kishte thënë se kjo është pjesë e rrugëtimit të saj, duke shtuar se tani i ka ardhur momenti.
“Thash me veten time, më mirë ta bëj, sepse realisht nuk po e duroj dot një lloj ngarkese që e kam brenda vetes time, që po dënoj veten time duke e shtyrë këtë vendim”, u shpreh Alba.
