Shkollat e Mitrovicës respektojnë vendimin e MASHT-it për zëvendësim të orëve të humbura gjatë grevës - Bota Sot
Shkollat e Mitrovicës respektojnë vendimin e MASHT-it për zëvendësim të orëve të humbura gjatë grevës

Mitrovica

Shkollat e Mitrovicës respektojnë vendimin e MASHT-it për zëvendësim të orëve të humbura gjatë grevës

Nga: F. B. Më: 2 mars 2019 Në ora: 15:11
Puna dhe përkushtimi i mësimdhënësve në kompensimin dhe përmbushjen e plan programit të procesit arsimor

Shumë shkolla në komunën e Mitrovicës në harmoni me vendimin që ka marr Ministria e Arsimit Shkencës dhe Teknologjisë, sot ndonëse ditë e shtunë kanë filluar kompensimin e ditëve të humbura si pasojë e grevës së personelit arsimor.
 
Kjo është vërejtur jo vetëm me praninë e nxënësve në afërsi dhe përreth shkollave por edhe qarkullimit në qytet, që është dëshmi e punës në plotësimin e orëve të humbura në përputhje me plan programin e punës.
 
Lajmi për punën dhe procesin arsimor në shumë shkolla të Mitrovicës, ndonëse ka edhe të tilla që nuk kanë filluar sot me kompensim e kanë konfirmuar burime nga Drejtoria e Arsimit të Komunës së Mitrovicës.
 
“Po mund të konfirmoj se shumë shkolla të komunës sonë sot janë duke zbatuar në plotësi vendimin e MASHT-it që të kompensohet orët e humbura gjatë periudhës se grevës së arsimtarëve. Këtë e kemi parë vetë në vizitën që kemi bërë me stafin e drejtorisë në disa nga shkollat tona”, ka thënë drejtori i Drejtorisë së Arsimit të Mitrovicës Iset Beka.   
 
Ai ka theksuar se në shumicën e shkollave është duke u mbajt mësimi dhe tash për tash çdo gjë po shkon sipas planit të përcaktuara nga drejtorët dhe personeli në këto shkolla për kompensimin e orëve të humbura.
 
 Drejtori i Drejtorisë Komunale të Arsimit Iset Beka ka falënderuar personelin arsimor në këtë shkolla për respektimin e vendimit dhe gatishmërinë që të përmbushin plan programin e punës në procesin arsimor.
 
Të përkujtojmë se edhe gjatë periudhës  së grevës , DKA në Mitrovicë pat bërë thirrje sindikatës së arsimit që të luftojë për realizimin e kërkesës së stafit të vetë, mirëpo pa dëmtuar procesin arsimor dhe nxënësit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...