Eksodi 99 shënohet sot në Mitrovicë - Bota Sot
Eksodi 99 shënohet sot në Mitrovicë

Mitrovica

Eksodi 99 shënohet sot në Mitrovicë

Më: 15 prill 2019 Në ora: 07:33
Arkiv

Sot në Mitorvicë shënohet 20 vjetori i eksodit të shqiptarëve të Kosovës, kur gjatë luftës në 1998-1999, rreth një milion shqiptarë u detyruan nga forcat paramilitare serbe të shpërnguleshin në Shqipëri dhe Maqedoni.

Nën përkujdesjen e kryetarit të komunës së Mitrovicës, Agim Bahtiri, mbahet manifestimi Eksodi “99, marshimi 2019, me moton “Përkujtojmë tragjedinë- Festojmë lirinë”.  

Manifestimi mbahet në sheshin e qytetit të Mitrovicës, duke filluar nga ora 12:00.

Për veç të shpërngulurve në Shqipëri dhe Maqedoni, mijëra shqiptarë kaluan kufirin edhe me Malin e Zi, ndërsa qindra mijëra ishin zhvendosur nga shtëpitë e tyre për të gjetur strehim në malet e Kosovës.

Eksodi, apo dëbimi shqiptarëve me dhunë nga vatrat e tyre, arriti kulmin pas fillimit të bombardimeve të NATO-s kundër pikave ushtarake dhe policore të ish-Jugosllavisë (Serbisë dhe Malit të Zi).

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...