Qytetari demanton lajmin që e cilësuan si të propaganduar nga Bedri Hamza

Mitrovica

Qytetari demanton lajmin që e cilësuan si të propaganduar nga Bedri Hamza

Më: 8 tetor 2021 Në ora: 12:21
Flamur Broboniqi

Flamur Broboniqi është një nga qytetarët e “Tavnik City” i cili nga portale të ndryshme u cilësua si aktivist i LVV dhe u akuzua se financohej për propagandim nga PDK-ja.

Këtyre spekulimeve u dha fund vet qytetari në fjalë, i cili përmes një postimi në facebook sqaroi se ai nuk është aktivist i Vetëvendosjes dhe as nuk është i rreshtuar nga PDK.

Broboniqi u shpreh se është përkrahës i Albin Kurtit e VV-së, por nuk është i kënaqur me kandidaturën e këtij subjekti në Mitrovicë.

Ai tha se me punën e tij mban katër anëtarë të familjes dhe është i gatshëm ta mirëpresë secilin politikan që i dëgjon problemet e tij.

Ai tha se Bedri Hamza kishte shprehur vullnetin e mirë që ta vizitonte biznesin e tij dhe kështu e kishte pritur në shtëpi bashkë me prindërit e tij, me tradita kombëtare e fetare.

Postimi i plotë:

“Sqarim për portalet nga një mbajtës i (4) katër familjeve, nga një djal qe ushqehet me djersen e fituar duke pastru objekte 25metra lartesi:

Pikë e parë:

Nuk jam aktivisti i Levizjes dhe as zyrtarisht me kartel, jam Votues dhe Përkrahës i Albin Kurtit dhe LVV-së, por nuk jam i kënaqur me kandidatin e tyre për Kryetar të Mitrovicës.

Pika e dytë:

Nuk kam aderu as nuk jam rreshtu me PDK-në, thjesht z. Bedri Hamza me vullnetin e tij të mirë, ka vendosur ta vizitoj biznesin e më ka ardhur ne konakun tim, më ka nderu edhe e kam mirëpritur ngrohtësisht me Plakun tem e Loken tem, me tradita kombëtare e fetare qysh e kem adet.

Çdo liderit që i dëgjon hallet e mija jam i gatshëm me prite, ju lutem mos manipuloni me nevojat e njerëzve që janë shembull i biznesit, që mbajnë katër familje me biznesin e pastrimit.

Me respekt

Flamur Broboniqi.”

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat