Komuna e Mitrovicës nënshkruan marrëveshje të mirëkuptimit me UNDP-në për fillimin e projektit “ReLOaD2”

Mitrovica

Komuna e Mitrovicës nënshkruan marrëveshje të mirëkuptimit me UNDP-në për fillimin e projektit “ReLOaD2”

Më: 15 dhjetor 2021 Në ora: 16:48
Komuna e Mitrovicës nënshkruan marrëveshje të mirëkuptimit me UNDP-në për fillimin e projektit “ReLOaD2”

Sot është mbajtur ceremonia solemne e nënshkrimit të memorandumeve të mirëkuptimit mes shtatë Komunave të Kosovës dhe UNDP-së, në kuadër të fillimit të projektit “Programi Rajonal për Demokracinë Lokale në Ballkanin Perëndimor 2”(ReLOaD2), i financuar nga Bashkimi Evropian dhe zbatuar nga UNDP.

Në mesin e komunave të përzgjedhura fituese në fazën e dytë të projektit “ReLOaD2” (2021-2024) është edhe Komuna e Mitrovicës, si një nga 7 komunat partnere për të bashkëpunuar me UNDP-në.

Në këtë ceremoni mori pjesë nënkryetari i komunës, Arian Tahiri, ku të pranishëm ishin edhe znj. Maria Suokko, përfaqësuese e përhershme e UNDP-së në Kosovë, znj. Hillen Francke, përfaqësuese nga Zyra e BE-së në Kosovë, përfaqësues nga MAPL-ja, Asosacioni i Komunave të Kosovës, si dhe përfaqësues nga komunat tjera përfituese.

Me këtë rast, nënkryetari i komunës, Arian Tahiri, ka nënshkruar memorandumin e mirëkuptimit për projektin “Programi Rajonal për Demokracinë Lokale në Ballkanin Perëndimor 2”, duke konfirmuar kështu përkushtimin e përbashkët të Komunës me UNDP-në drejt përmirësimit të bashkëpunimit ndërmjet komunave, organizatave të shoqërisë civile dhe rinisë.

Vlen të potencohet se projekti “ReLOaD2” do të mbështes Komunën e Mitrovicës me aktivitete për ngritjen e kapaciteteve të stafit, asistencë teknike gjatë zbatimit të thirrjeve publike të pavarura dhe për fuqizimin e rinisë në territorin e Mitrovicës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat