Familjarët e 28 personave që humbën jetën më tragjedinë e 9 janarit 2004 në ujërat e Gjirit të Palasës vijojnë të hedhin akuza ndaj ish-drejtorit të Policisë së Shtetit, Bajram Ibraj.
Pak ditë më parë ai ka theksuar se në atë kohë forcat e rendit kanë qenë në krye të detyrës dhe këtë e kanë vërtetuar sipas tij dhe hetimet.
Por familjarët e viktimave pretendojnë të kundërtën.
Sipas tyre Ibraj ka penguar operacionin e kërkim- shpëtimit natën e 9 janarit 2004.
Dosja e tragjedisë është dërguar edhe në Prokurorinë e Posaçme nga Shoqata që 9 janari, ndërsa përfaqësues të saj thonë se Ibraj ka frikë nga ajo ngjarje.
