Dasmat shkodrane/ Inskenohen traditat e vjetra të martesave

Shkodra

Dasmat shkodrane/ Inskenohen traditat e vjetra të martesave

Më: 4 shtator 2022 Në ora: 20:22
Foto ilustrim

“Dasma Shkodrane”, e riktheu Shkodrën pas, në vitet më të bukura të artit shkodran kur bashkimi mes djalit dhe vajzës, kalonte ceremonialin e martesës dhe ishte një shpalosje e vlerave artistike dhe kulturore qindravjeçare e qytetit.

Perlat e muzikës shkodrane me tekstet poetike që i dedikohen dy të rinjve që kanë vendosur të bashkojnë fatet e tyre, e ktheu oborrin e muzeut “Oso Kuka” në një mjedis feste, me qytetarë të cilët rikujtonin martesat e tyre vite më parë, të rinj por edhe miq nga Kosova.

Mbrëmja e veçantë erdhi fale interpretimit të  artisteve të rinj të qytetit  nen udhëheqjen artistike të profesor Lorenc Radovanit.

Organizimi i sivjetshëm i “Dasmës Shkodrane” ishte për një kauze të veçantë.

Kjo ishte një ide e disa të rinjve shkodranë për të ndihmuar fëmijët me çrregullime te spektrit autik dhe të gjitha të ardhurat nga biletat shkuan për seancat e terapive falas.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat