Një studim i publikuar së fundmi nga Parlamenti Evropian, e ku flitet edhe për rrëzimin e qeverisë Kurti, ka shkaktuar reagimin e Zafir Berishës, zv/ministër në MPB.
Ky i fundit me anë të një postimi në Facebook, e ka quajtur “sekt politik” Vetëvendosjen.
Ka thënë se raporti është hartuar nga pro-rusët dhe i njëjti po përdoret nga partia e Kurtit.
Madje ka hedhur dyshimet se shërbimet e huaja për 10 vite kanë investuar në VV.
Postimi i plotë i Berishës:
Në vazhdën e “shpërlarjes së trurit” militantëve të vetë, sekti politik po shfrytëzin “raportin” e prorusëve si Samuel Green i cili është drejtor i “Russia Institute” në “King’s London” dhe i cili jetoi e punoi në Moskë për 13 vjet!
As metodat “gebelsiane” të propagandës nuk do të dhezin më, edhe pse për me shumë se 10 vite, bukur shumë është investuar nga shërbimet e huaja sekrete në sektin politik të VV, duke i përdorur në dëmtimin e imazhit të Kosovës dhe për të shkatërruar funksionalitetin e shtetit që është bërë me shumë mund dhe sakrifica ndër breza.
