(E plotësuar 13:35)-Haradinaj prezanton 8 emrat e ri që i bashkohen listës së AAK-së, synimi i tij si president hyrja në NATO
Lideri i AAK-së, e kandidat për kryeministër nga kjo parti, Ramush Haradinaj, përmes një konference shtypi ka prezantuar anëtarë të rinj që iu bashkuan subjektit politik që udhëheq ai e që do të jenë pjesë e listës së kandidatëve për deputetë.
“2/3 e listës janë të rinj. Sot po prezantoj disa nga ta. Shemsedin Dreshaj, Shqipe Krasniqi – Kastrati, Kaltrina Morina, Shkëlqim Millaku, Ismet Shabani, Diellza Kukaj dhe Blerta Gashi”, janë këta emrat të cilët Haradinaj i prezantoi dhe foli edhe për përgatitjet e tyre profesionale, shumica nga ta profesorë e njerëz të shkencës.
Ndërsa Haradinaj përsëriti edhe njëherë se synimi i tij si president është rrugëtimi në NATO.
“Kam nderin që bartës i listës së AAK-së të jem unë. Po ashtu jam edhe kandidat për president. Se si do të zhvillohen koalicionet pas zgjedhjeve, kemi kohë për të biseduar.
AAK-ja megjithatë do ta vërtetojë besnikërinë ndaj vendit dhe reformave, duke i dhënë më shumë siguri vendit. Kam përgatitur një rrugëtim deri në NATO, që i parahsh krejt veprimet se si të arrihet.
Veç ka disa përparime në këtë proces. Janë edhe punë të tjera që me ardhë në NATO, por në një mandat në të ardhmen, i ndihmon vendin tim, Kosovës”, tha ndër të tjera Haradinaj
***
Kryetari i Aleancës për Ardhmërinë e Kosovës (AAK), Ramush Haradinaj ka thënë se do të jetë bartës i listës së kësaj partie në zgjedhjet e 14 shkurtit, por nuk do të ndryshojë qëndrimin se i njëjti do të jetë vetëm kandidat për president dhe jo për kryeministër.
“AAK do të kontribuojë në Parlament dhe Qeveri, dhe me mua si president ta bëjmë Kosovën një shtet me të cilën krenohemi të gjithë dhe të bëhemi anëtarë të NATO-s dhe BE-së”, tha Haradinaj.
Ai tha se po garojnë me program qeverisës që i përgjigjet sfidave dhe me kandidatë me integritet.
Haradinaj ka prezantuar persona që i janë bashkuar Aleancës dhe të cilët do të jenë për herë të parë kandidatë për deputetë.
“Nesër do të paraqesim listën e plotë të kandidatëve ku dy të tretat janë të rinj”, tha Haradinaj.
