Sondazhet e fundit LDK-në e nxjerrin me 10%, vjen reagimi nga mbështetësi besnik i Ibrahim Rugovës: Po luten për vdekjen e LDK-së, por…

Aktuale

Sondazhet e fundit LDK-në e nxjerrin me 10%, vjen reagimi nga mbështetësi besnik i Ibrahim Rugovës: Po luten për vdekjen e LDK-së, por…

Nga: N. H Më: 20 janar 2021 Në ora: 12:54
Dan Limaj në foto me Kujtim Shalën dhe presidentin Rugova

Edhe një sondazh tjetër është publikuar mbrëmë në një televizion, përcjell “Bota sot”.

Sipas këtij sondazhi, të realizuar nga Riinvest Analytics, VV-ja prin me 54.1 %, e pasur nga PDK-ja me 14.9%. Kurse, LDK-ja sipas këtij sondazhi renditet e treta me 10.3 %.

E, lidhur më këtë sondazh, ka reaguar ashpër luftëtari i ditëve të para të Ushtrisë Çlirimtare të Kosovës, Dan Limaj.

Mbështetës besnik i Ibrahim Rugovës, përmes një shkrimi në Facebook, shprehet se përkundër lutjeve nga analistët për vdekjen e LDK-së, kjo e fundit në zgjedhjet e 14 shkurtit do të tregojë rezultatin e saktë.

Ai madje tregon se kështu për LDK-në ishte vepruar që nga përfundimi i luftës në Kosovë.

Ja shkrimi i tij:

Kryengritja Rugoviste në kutinë e votimit,

Më vjen keq dhe më dhimbsen në shpirte shumë analistë/ banalistë e sondazishte që tani e 20 vjet rrinë dhe bredhin kot, duke shtjerrë kohën kot në të pame, nëpër zyre të TV-ve, duke u lutë dhe duke pritë vdekjen e LDK-së.

Të njëjtit analiste/ banalistë e sondazishtë, të shndërruar në sharllatanistë, të kyçur poshtë, lartë e anash duke e lëpi një copë ashti që u ka hedhur dikush, tani e 20 vjet, sipas mendjes së tyre e kanë varrosur disa herë Rugovën, LDK-në dhe rrugën e qartë kombëtare të lëvizjes Rugoviane. Për këta sharllatanistë LDK-ja ishte e vdekur më 1999, 2000, 2004, 2007, 2010, 2013, 2017, 2019. Të njëjtëve po ju shkon lëngë për goje nëpër studio të TV-ve duke u lutur dhe pritur për vdekjen e LDK-së me datë 14 shkurt 2021.

Kanë harruar këta sharllatanistë se në secilin proces zgjedhor, lokal dhe qendror, LDK i ka befasuar dhe në ditën e përfundimit të zgjedhjeve, diku nga mesnata, me kokën nenë këmbë dhe të lagur kanë ikur në shtëpitë e tyre. Kanë harruar këta se LDK është populli. LDK është vet Kosova.

Njëjtë, këtë vit, më 14 shkurt 2021, këta sharllatanistë do te marrin përgjigjen e merituar nga ‘kryengritje Rugoviste” në kutitë̈ e votimit.

Zoti e bekoftë Kosovën!

Zoti e bekoftë lëvizjen Rugoviane!

Zoti e bekoftë LDK!

Shfaq komentet
comments powered by Disqus
Sot mund të lexoni Shfletoni kopertinat