Vazhdojnë tensionet në KQZ, Daka kërkon votim për secilën parti veç e veç, kundërshton VV-ja

Aktuale

Vazhdojnë tensionet në KQZ, Daka kërkon votim për secilën parti veç e veç, kundërshton VV-ja

Më: 22 janar 2021 Në ora: 18:15
Valdete Daka

Kryetarja e KQZ’së, Valdete Daka, ka thënë se rekomandimi i zyrës për certifikim të partive politike dhe kandidatëve do të vendoset në votim, megjithatë ajo ka thënë se do të votojnë për secilën parti veç e veç.

Daka ka thënë se KQZ asnjëherë nuk kanë votuar në paketë.

“Do të votojmë për secilën listë veç e veç. Rekomandimin e kemi dhe do të votojmë për secilën parti”, ka thënë Daka.

Ajo ka lexuar edhe Nenin 26 paragrafin e parë, ku thuhet se duhet të shqyrtohet secila listë e partive veç e veç.

Një gjë e tillë po kundërshtohet nga dy përfaqësuesit e Lëvizjes Vetëvendosje, Sami Kurteshi dhe Alim Rama.

Kurteshi madje ka drejtuar akuza për përfaqësuesin e LDK’së për presion tek zyra për certifikim.

Shfaq komentet
comments powered by Disqus
Sot mund të lexoni Shfletoni kopertinat