“Befason” avokati shqiptar: Zgjedhjet nuk i fitoi Lëvizja Vetëvendosje por...

Aktuale

“Befason” avokati shqiptar: Zgjedhjet nuk i fitoi Lëvizja Vetëvendosje por...

Nga: N.SH Më: 17 shkurt 2021 Në ora: 18:59
Spartak Ngjela

Avokati shqiptar Spartak Ngjela, përmes një postimi në Facebook, shkruan se, zgjedhjet në Kosovë, nuk i fitoi Lëvizja Vetëvendosje por Prokuroria dhe Gjykata Speciale në Hagë.

Sipas tij, Specialja i fitoi zgjedhjet pasi arrestoi katër krerët e korrupsionit dhe krimit të organizuar, siç janë ‘Hashim Thaçi e kompani’.

Avokati përmes një postimi në Facebook, thekson se, a do të ndodh edhe në Shqipëri të arrestohen krerët e korrupsionit dhe krimit të organizuar.

Postimi i plotë:

Se ju mendoni që zgjedhjet i fitoi Vet-Vendosja në Kosovë!. Jo, aspak. Lojën e fitoi Prokuroria dhe Gjykata Speciale e ngritur në Hagë, që arrestoi katër krerët e korrupsionit dhe krimit të organizuar: Hashim Thaçin e kompani. Po këtu në Shqipëri?

Këtu te ne e ka në dorë SPAK. A do t'i arrestojë ky edhe këtu krerët e korrupsionit dhe krimit të organizuar?

Për faktin që luftën kundër korrupsionit dhe krimit të organizuar, edhe në Shqipëri, njëlloj si në Kosovë, politika amerikane po e drejton prej katër vjetësh, sigurisht që kjo pritet të ndodhë edhe në Shqipëri, dyzet ditë para zgjedhjeve, njëlloj si në Kosovë. Kjo është arsyeja logjike e kësaj kohe.

Shfaq komentet
comments powered by Disqus
Sot mund të lexoni Shfletoni kopertinat