Ideja e ndryshimit të kufijve në Ballkan, Halil Matoshi zbulon takimin e sllovenëve me ish-kryeministrin Haradinajn

Aktuale

Ideja e ndryshimit të kufijve në Ballkan, Halil Matoshi zbulon takimin e sllovenëve me ish-kryeministrin Haradinajn

Më: 16 prill 2021 Në ora: 15:28
Halil Matoshi dhe Ramush Hardinaj

Halil Matoshi, ish-këshilltar i Ramush Haradinajt sa ishte kryeministër, ka thënë se ideja e ndryshimit të kufijve në Ballkan i është prezantuar ish-kryeministrit Ramush Haradinaj, pikërisht nga sllovenët.

Duke qenë se ishte këshilltar politik, Matoshi thotë se takimi i Haradinajt me sllovenët nuk ka zgjatur më shumë se pesë minuta, teksa thotë se ish shefi i qeverisë e ka ndërprerë takimin.

“Kanë ardhë në zyrën e kryeministrit Haradinaj me idenë e shkëmbimit. A e din sa ka zgjatur takimi”, i drejtohet Matoshi analistit Bekim Kabashi.

“Pesë minuta dhe zotri Haradinaj e ka ndërprerë takimin dhe iu ka thënë ditën e mirë, pra ka rënë si opsion”, thotë Matoshi.

Teksa ka folur për këtë dokument, Matoshi mendon se dokumente të tilla shkojnë në interes të Serbisë dhe jo Shqipërisë.

“Duke qenë se ne nuk kemi dokument strategjik, ne biem pre e dokumenteve të të tjerëve. Ky dokument bëhet për interesat e Serbisë, e jo të Shqipërisë e shqiptarëve. Absolut ky dokument iu shkon përshtati atyre”, tha Matoshi.

Shfaq komentet
comments powered by Disqus
Sot mund të lexoni Shfletoni kopertinat