Murati për dialogun Kosovë-Serbi: Të gjitha variantet çojnë në ndryshim të kufijve

Aktuale

Murati për dialogun Kosovë-Serbi: Të gjitha variantet çojnë në ndryshim të kufijve

Më: 27 prill 2021 Në ora: 21:33
Valon Murati

Kryetari i Lëvizjes për Bashkim, Valon Murati, ka komentuar zhvillimet e fundit nga ku një dokument rrodhi në media i njohur si “non-paper”. Sipas Muratit, duke parë zhvillimet aktuale në dialogun Kosovë-Serbi, të gjitha variantet çojnë në ndryshim të kufijve.

Ai ka thënë se mund t’i vonojmë proceset pesë apo dhjetë vjet, megjithatë të gjitha variantet cojnë në ndryshimin e kufijve.

“Të gjitha variantet të çojnë të ndryshimi i kufijve. Nëse i refuzojmë të gjitha projektet, e shtyjmë dhjetë vjet apo pesë, duke mos u bërë pjesë e institucioneve ndërkombëtare”, është shprehur Murati.

“E në anën tjetër Asociacioni i Komunave serbe mund të na defunksionalizojë. Të gjitha këto variante pas pesë apo dhjetë vjetëve na çojnë të ndryshimi i kufijve. Mirëpo, atëherë ka gjasa që ne nuk do të marrim asgjë”.

Tutje, Murati tha se aktualisht është moment ideal që edhe shqiptarët e Kosovës Lindore të futën si pjesë e dialogut pasi është situatë identike me serbët në Kosovë.

“Ne i kemi të gjitha mundësitë që ata (qytetarët e Presheves, Medvegjës dhe Bujanoci) të bëhen pjesë e dialogu dhe çdo gjë që kërkojnë serbët, ne mund të kërkojmë për shqiptarët sepse situata është identike”, shtoi Murati.

comment Për komente lëvizni më poshtë
Sot mund të lexoni Shfletoni kopertinat