Shala: Droga u zbulua në Itali dy javë më parë

Aktuale

Shala: Droga u zbulua në Itali dy javë më parë

Më: 17 maj 2021 Në ora: 23:16
Bahri Shala

Drejtori i Drejtorisë Antidrogë në Policinë e Kosovës, Bahri Shala, ka treguar se droga e llojit kokainë e sekuestruar sot në Kosovë, është detektuar fillimisht në një port të Italisë, më 3 maj.

Shala në një intervistë ka thënë se droga është zbuluar se në një nga kontejnerët që vinin nga Brazili.

“Nga aty ka nisur operacioni. Policia italiane përmes mjeteve të sofistikuara ka zbuluar se dyshohet për drogë të llojit kokainë dhe se destinacion kishte Kosovën. Fal një bashkëpunimi të policive dhe prokurorive të tri vendeve, Kosovë-Shqipëri-Itali, është bërë i mundur ky operacion”, ka thënë Shala.

Ai ka treguar se kamioni që u zu me drogë sot, është futur në Kosovë të shtunën dhe po atë ditë është parkuar në afërsi të një firmë private.

“Gjithë kohës ka qenë në përcjellje. Edhe kur është parkuar ka qenë në përcjellje fizike deri më sot, kur është finalizuar operacioni edhe me ndalimin e disa personave të dyshimtë”, ka thënë ai.

Policia e Kosovës sot ka sekuestruar rreth 400 kilogramë kokainë, ndërkohë ka ndaluar shtatë persona të dyshimtë për këtë. Vlera e drogës, sipas Policisë, vlerësohet rreth 20 milionë euro.

Shfaq komentet
comments powered by Disqus
Sot mund të lexoni Shfletoni kopertinat