"Babai i njeriut më të afërt të Kurtit e ka dhënë lejen për ndërtimin e Kishës tek UP"

Aktuale

"Babai i njeriut më të afërt të Kurtit e ka dhënë lejen për ndërtimin e Kishës tek UP"

Më: 10 qershor 2021 Në ora: 18:34
Kisha serbe

Zyrtari i PDK-së, Betim Gjoshi ka reaguar për meshën e mbajtur sot në Kishën serbe tek Kampusi i UP-së, për herë të parë pas luftës.

Me anë të një postimi në Facebook, Gjoshi ka thënë se lejen për Kishën e Millosheviqit dhe Arkanit e ka dhënë Hamdi Vraniqi, që është babai i Erzen Vraniqit, e që sipas Gjoshit është njeriu më i afërt i Albin Kurtit.

Gjoshi nuk ka harruar që t’i përmend pozitat që Vraniqi ka mbajtur dhe mbanë në qeverinë e Kurtit.

Postimi i plotë i Gjoshit:

Lejen për ndërtimin e Kishës së Millosheviqit dhe Arkanit në oborrin e UP-së e ka dhënë Hamdi Vraniqi.

Djali i Hamdi Vraniqit, Erzen Vraniqi, është njeriu më i afërt i Albin Kurtit.

Në Qeverinë Kurti I, Erzen Vraniqi ishte këshilltar politik i Albin Kurtit.

Në Qeverinë Kurti II, Erzen Vraniqi është veç një zyre më larg Albin Kurtit, si pjesë e kabinetit të Besnik Bislimit, zëvendëskryeministri për dialog. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat