Takimi Kurti – Macron: Njohësit e çështjeve politike japin parashikimin

Aktuale

Takimi Kurti – Macron: Njohësit e çështjeve politike japin parashikimin

Më: 22 qershor 2021 Në ora: 23:58
Kurti – Macron

Takimi mes kryeministrit Albin Kurti dhe presidentit francez Emmanuel Macron sipas njohësve të zhvillimeve politike ka të bëjë me presionin e boshtit franko-gjerman për dialogun Kosovë – Serbi.

Kryeministri i Kosovës Albin Kurti të mërkurën do ta takojë në Paris presidentin francez Emanuel Macron.

Belgzim Kamberi nga Instituti për Politika Sociale thotë se vizita e Kurtit në Paris lidhet me presionin që po bënë boshte franko-gjerman për dialogun Kosovë-Serbi.

“Vizita në Paris e zotit Kurti është më shumë në funksion të rritjes së presionit nga ana e boshtit franko-gjerman për çështjen e dialogut Kosovë-Serbi. Ka tendenca që Franca të përfshihet më shumë në proces dhe të aktivizojë këtë boshtin franko-gjerman përtej ndërmjetësimit të Bashkimit Evropian”, deklaroi Belgzim Kamber.

Ndërsa edhe politologu Dorajet Imeri thotë se vizita e Kurtit në Paris lidhet me dialogun.

“Takimi i zotit Kurti në Paris me Presidentin Macron lidhet me obligimet që ka marrë Kosova për procesin e dialogut, dhe nga ana tjetër ky takim lidhet edhe me rolin që ka marrë Franca për të ndikuar në krijimin e paqes jo vetëm në Ballkan por në gjithë Evropën”, deklaroi Dorajet Imeri.

Takimi i Kurtit me Macronin vjen pasi një takimi që i pari i Qeverisë së Kosovë ka pasur me një delegacion francez në Prishtinë.

commentFirst article
Sot mund të lexoni Shfletoni kopertinat