Prindon Sadriu i dha kaq para Vetëvendosjes për zgjedhjet e 14 shkurtit

Aktuale

Prindon Sadriu i dha kaq para Vetëvendosjes për zgjedhjet e 14 shkurtit

Më: 15 korrik 2021 Në ora: 17:51
Prindoni dhe Vjosa Osmani

Komisioni Qendror i Zgjedhjeve ka publikuar dosjen e informimit publik për subjektet politike dhe kandidatët të cilët kanë arritur të zgjidhen deputetë në zgjedhjet e parakohshme të 14 shkurtit 2021.

Në dosjen e publikuar të KQZ-së, figurojnë edhe emrat e donatorëve të cilët kanë dhënë para donacion për subjektet politikë për zgjedhjet që u mbajtën në fillim të vitit në Kosovë.

Tek donacionet e qytetarëve dhe bizneseve të ndryshme për Lëvizjen Vetëvendosje, gjendet edhe emri i bashkëshortit të Presidentes Vjosa Osmani, Prindon Sadriu.

Sipas raportit, Prindon Sadriu më 10 shkurt të këtij viti, ka dhënë 1 mijë e 680 euro donacion për Lëvizjen Vetëvendosje, e cila në zgjedhjet parlamentare të 14 shkurtit ka garuar së bashku me Listën Guxo, të udhëhequr nga presidentja aktuale, Vjosa Osmani.

Në këtë dosje figuron edhe emri i zëvendëskryeministrit aktual, Besnik Bislimi, i cili më 10 shkurt të këtij viti ka dhuruar donacion për Lëvizjen Vetëvendosje me vlerë prej 1 mijë e 200 eurove.

Më dorështrënguar se dy të parët është treguar Ministri i Punëve të Brendshme, Xhelal Sveçla, i cili në dosjen e donacioneve figuron se më 4 shkurt të këtij viti ka dhuruar 500 euro për Lëvizjen Vetëvendosje.

Në raportin e publikuar të KQZ-së, gjenden edhe emrat e shumë qytetarëve dhe bizneseve të tjera që kanë dhuruar para për subjektet politike, në mënyrë që të ndihmojnë financiarisht partitë që ata kanë përkrahur.

LEXONI RAPORTIN E PLOTË

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat