Ministri i Infrastrukturës, Liburn Aliu, ka shprehur ngushëllimet për familjarët e viktimave të aksidentit tragjik që ndodhi sot në Kroaci.
Përmes një statusi të bërë në Facebook, Aliu tha se ata i pret një punë e madhe për të vendosur rend në sigurinë e trafikut rrugor, e po ashtu në bizneset e transportit të mërgimtarëve, në mënyrë që të shmangim tragjedi të tilla.
Postimi i plotë
Një tragjedi e rëndë sot për të gjithë Kosovën.
Ngushëllime të gjithë familjarëve të viktimave dhe shërim sa më të shpejtë të gjithë të lënduarve.
Sot bashkëndjejmë të pikëlluar me familjarët e bashkatdhetarëve tanë.
Neve na pret një punë e madhe për të vendosur rend në sigurinë e trafikut rrugor, e po ashtu në bizneset e transportit të mërgimtarëve në mënyrë që të shmangim tragjedi të tilla.
