Nisin hetimet, kush i nxori informacionet për aksionin e Policisë kundër kontrabandës?

Aktuale

Nisin hetimet, kush i nxori informacionet për aksionin e Policisë kundër kontrabandës?

Më: 14 tetor 2021 Në ora: 20:29
Pamje nga veriu i Kosovës

Inspektorati Policor i Kosovës ka nisur hetime rreth dyshimeve se aksioni i Policisë, që u zhvillua më 13 tetor, kundër kontrabandës me mallra në veri, u dekonspirua një natë më herët.

Nga IPK kanë konfirmuar se hetimet kanë filluar lidhur me rrjedhjen e informacioneve për këtë operacion.

“Duke ju referuar kërkesës suaj ju njoftojmë se Inspektorati Policor i Kosovës  sipas detyrës zyrtare ka filluar një hetim preliminar me dyshimin për zbulim të paautorizuar të informacionit  për operacionin policor të datës 13.10.2021, të zhvilluar nga PK-ja në Mitrovicën e Veriut”, thuhet në përgjigjen e IPK-së.

Policë e qytetarë dje u lënduan, kurse gazetarë shqiptarë e serbë ishin cak i sulmeve gjatë protestës së serbëve lokalë ndaj aksionit të Policisë së Kosovës kundër kontrabandës së mallrave. Tetë persona janë arrestuar, tre prej të cilëve më pas u liruan, ndërsa dhjetë të tjerë janë ende në kërkim.

Për dyshimet e rrjedhjes së informacioneve ka folur dje edhe drejtori i Policisë së Kosovës, Samedin Mehmeti.

“Dyshohet se ka pasur rrjedhje të informacionit, po hetohet kjo. Nga 9 lokacione në veri, tetë s’kanë mundur të realizohet operacioni se qytetarët kanë penguar zhvillimin e operacionit. Si pasojë 10 zyrtarë kanë pësuar lëndime, 7 shqiptarë, tre prej tyre hetues, tre operatorë të njësisë speciale e tre të reagimit të shpejtë”, tha drejtori i Policisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat