Reagon edhe Pacolli: Kosova të ngrijë bashkëpunimin me UNMIK-un

Aktuale

Reagon edhe Pacolli: Kosova të ngrijë bashkëpunimin me UNMIK-un

Më: 16 tetor 2021 Në ora: 14:47
Behgjet Pacolli

Kryetari i AAK-së, Behgjet Pacolli ka thënë se Kosova duhet ta ndërpres bashkëpunimin me misionin e UNMIK-ut. Pacolli ka përmendur rastin e pjesëtarit rus të UNMIK-ut i cili kishte përkrahur strukturat paralele të Serbisë dhe të cilin Kosova e kishte shpallur person të padëshiruar.

“Në Këshillin e Sigurimit të OKB-së, UNMIK-u kishte narracion të plotë të Serbisë për Kosovën. Në 2019, Kosova deklaroi Persona Non Grata, një pjesëtar rus të UNMIK-ut për përkrahjen e strukturave paralele dhe për krijimin e pengesave ndaj policisë. Kosova duhet të ngrijë bashkëpunimin me këtë mision plotësisht”, ka thënë Pacolli.

Pacolli poashtu përmendi edhe Sekretarin Gjeneral të OKB-së, që refuzoi të takohet me zyrtarët e Kosovës sikur paraardhësit e tij.

“Në OKB, Sekretari Gjeneral, Antonio Guterres ka refuzuar të takohet me zyrtarët e Kosovës duke e prishur traditën e paraardhësve të tij. OKB-ja ka një mision të vjetëruar në Kosovë që nuk bën asgjë dhe që shpenzon buxhetin e tyre për çështje të panevojshme që janë jorelevante për Kosovën. Koha të shkojë në shtëpi”, ka thënë ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat