Caktohen gjyqtarët që do vendosin për Apelin e krerëve të UÇK-së

Aktuale

Caktohen gjyqtarët që do vendosin për Apelin e krerëve të UÇK-së

Më: 22 tetor 2021 Në ora: 22:38
Foto ilustrim nga "Bota sot"/ Hashim Thaçi, Kadri Veseli, Jakup Krasniqi dhe Rexhep Selimi

Në Gjykatën Speciale është caktuar paneli që do të merret me apelin e ish-krerëve të UÇK-së për disa defekte në aktakuzën ndaj tyre.

Paneli i Apelit është caktuar dje nga Kryetarja e Dhomave të Specializuara, Ekaterina Trendafilova.

Në Panelin e Apelit janë caktuar gjyqtarët: Michele Picard, Emilio Gatti, Nina Jorgensen.

Ndryshe, Rexhep Selimit, Hashim Thaçit e Jakup Krasniqit i është lejuar që për disa çështje të ngritura nga ta, të apelojnë vendimin në mocionet që pretendojnë defekte në formën e aktakuzës ndaj tyre.

Vendimi është marrë nga gjyqtari francez i procedurës paraprake, Nicollas Guillou.

Kësisoj, Rexhep Selimit i është lejuar apeli për çështjet nga tre deri në shtatë.

Jakup Krasniqit i është lejuar apeli i çështjeve të parë, dytë, pestë, gjashtë, shtatë, nëntë dhe 10. Po ashtu, Krasniqit i është lejuar apelin ë çështjen tre dhe katër si të riformuluara.

Ndërkaq, ish-presidentit Thaçi i është lejuar apelin nga çështja tre deri në çështjen gjashtë, si dhe nga nëntë deri në 15.

Gjykatësi paraprak ka refuzuar që të jap leje për apelim për çështjen e parë dhe të dytë të Selimit, për çështjen e tetë të Krasniqit, si dhe për çështjen e parë, dytë, shtatë dhe tetë të Thaçit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat