MSH: Gexha është nisur nga Shqipëria për në Spitalin e Pejës për t’i vizituar të plagosurit

Aktuale

MSH: Gexha është nisur nga Shqipëria për në Spitalin e Pejës për t’i vizituar të plagosurit

Më: 26 nëntor 2021 Në ora: 23:31
Foto ilustrim

Ministria e Shëndetësisë ka reaguar pas tragjedisë që ndodhi në Deçan, ku mbetën të vrarë tre persona, dy nxënës dhe shoferi i autobusit.

Përmes një postimi në Facebook, MSH-ja ka njoftuar se zëvendësministrja e Parë e Ministrisë së Shëndetësisë, Dafina Gexha Bunjaku është nisur nga Shqipëria për në Spitalin e Pejës për t’i vizituar të plagosurit.

“Ministria e Shëndetësisë, e tronditur nga akti kriminal ndaj autobusit që bartte nxënësit në Gllogjan të Deçanit, shpreh ngushëllimet më të sinqerta, duke bashkëndjerë me familjet dhe të afërmit e viktimave dhe të të lënduarve. 

Duke qenë në kontakt të vazhdueshëm me Drejtorin e Përgjithshëm të ShSKUK dhe me Spitalin e Pejës për të ofruar mbështetje, Zëvendësministrja e Parë e Ministrisë së Shëndetësisë, Dr. Dafina Gexha Bunjaku, menjëherë pas kthimit nga mbledhja e dy Qeverive të Republikave tona në Elbasan, është rrugës për në Spitalin e Pejës për të vizituar të plagosurit”, njoftoi MSH-ja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat