Presidentja Osmani flet për emërimin e Bashkim Jasharit, përmend luftën dhe sakrificën për liri

Aktuale

Presidentja Osmani flet për emërimin e Bashkim Jasharit, përmend luftën dhe sakrificën për liri

Nga: M.L. Më: 30 nëntor 2021 Në ora: 23:48
Foto nga ceremonia

Presidentja e Kosovës, Vjosa Osmani përmes një postimi në Facebook, ka shkruar për emërimin e Gjeneralmajor Bashkim Jasharit në postin e Komandantit të Forcës së Sigurisë së Kosovës.

Osmani potencoi se Bashkim Jashari i shërbeu atdheut atëherë kur populli ynë rrezikohej të shuhej nga regjimi gjenocidal i Millosheviçit.

Edhe tash e tutje do t'i shërbej shtetit të tij duke e udhëhequr ushtrinë e ndërtuar me aq shumë mund e sakrificë të brezave të tërë”, u shpreh Osmani.

Prandaj, ajo tha se ishte nder i veçantë që sot ta emëronte në detyrën e Komandantit të Forcës së Sigurisë së Kosovës.

Gjeneralmajor Jashari do ta ketë mbështetjen time të plotë si Komandante Supreme në ngritjen e FSK-së në piedestale edhe më të larta. Në këtë detyrë të shenjtë gjeneralmajor Jasharit i uroj suksese, ndërkaq gjenerallejtënant Ramën e falënderoj për shërbimin e deritashëm!”, përfundoi Presidentja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat