Nga sot Gjermania me listë të re të kuqe për Covid-19, mësojeni ku përfshihet Kosova

Aktuale

Nga sot Gjermania me listë të re të kuqe për Covid-19, mësojeni ku përfshihet Kosova

Më: 16 janar 2022 Në ora: 07:17
Foto ilustrim

Nga e diela, Shqipërinë, Maqedoninë e Veriut, Bosnje Hercegovinë, Serbinë dhe një sërë shtetesh të tjera, për shkak të shifrave të larta të infektimeve të reja me koronavirus, Gjermania do t’i kategorizojë sërish tek lista e vendeve me rrezik të lartë.

Këtë e bën me dije instituti Robert Koch, ndërsa përjashtim nga lista e rrezikut tek vendet e Ballkanit Perëndimor përbën vetëm Kosova.

Zonat me rrezik të lartë janë vendet ose rajonet ku numri i të infektuarve gjatë shtatë ditëve të kaluara ka qenë mbi 100 për çdo 1000 banorë. Ky është kriteri kryesor, por ka edhe të tjerë, si shpejtësia e lartë e përhapjes, shkalla e shtrimit në spital ose shkalla e ulët e testimit.

Përveç Ballkanit, listës së zonave me rrezik i janë shtuar edhe mbi 60 vende të tjera, ku ndër to edhe shumë vende të Europës.

Duke filluar nga e diela, udhëtarët që në dhjetë ditët e fundit kanë qenë në njërin nga vendet e listës duhet të regjistrohen fillimisht në një portal digjital.

Tashmë për të hyrë në Gjermani, nëse je i pavaksinuar nevojitet tampon negative dhe 10 ditë karantinë. Qeveria gjermane i jep mundësin udhëtarëve të dalin nga karantina brenda pesë ditëve, nëse tampon rezulton negativ, ndërkohë për fëmijët deri në moshën 6 vjeç nevojitet vetëm karantinë pesë-ditore.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat