Në kërkim nga policia – Gjergj Dedaj shfaqet para objektit të qeverisë

Aktuale

Në kërkim nga policia – Gjergj Dedaj shfaqet para objektit të qeverisë

Më: 17 janar 2022 Në ora: 14:37
Gjergj Dedaj

Ish-ambasadori i Kosovës në Maqedoni të Veriut, Gjergj Dedaj, është shfaqur sot në sheshet e Prishtinës, një ditë pasi u raportua se ai është në kërkim të policisë se Kosovës.

Në disa fotogafi të derguara nga lexuesit, Dedaj duket në shesh pranë objektit të Qeverisë së Kosovës.

Të dielen u raportua se Ministria e Punëve të Jashtme ka lëshuar urdhër për konfiskimin e tabelave të veturave zyrtare dhe të ID-ve diplomatike që po vazhdojnë të mbahen paautorizim nga ish-ambasadori Gjergj Dedaj dhe ish-konsulli, Lindon Kqira.

Policia është në kërkim të tyre, për t’ua konfiskuar targat dhe ID diplomatike të ish-diplomatëve dhe familjarëve të tyre.

Dedaj ende nuk i ka kthyer targat diplomatike NMK 50-CD-001, të cilat janë të vendosura në veturën e tij të tipit Mercedez Benz E.

Ish-ambasadori i Kosovës në Maqedoni të Veriut, Gjergj Dedaj ka thënë se lajmi që ai është ne kërkim nga policia sepse nuk i ka kthyer targat diplomatike është lajm i pavërtetë duke e quajtur si lajm të “picimulave”

“Këto janë lajme të picimulave. S’kam çka me fol krejt këto rreth kësaj teme janë lajme të picimualve. Nuk e di për çka e keni fjalën po janë lajme te picimulave janë shpifje”, ka thënë ai.

Por ka pranuar se targat diplomatike nuk i ka kthyer, duke thënë se i ka aguar vet ato.

“Unë kam regjistrim dhe tabelat diplomatike personale private d.m.th te kerrit tem privat dhe ato nuk kthehen sepse ato i kam pagu unë edhe regjistrimin te gjitha i kom pagu personalisht nuk kam marr nga buxheti i shtetit asnjë cent”, tha ai në përgjigje.

Image
Gjergj Dedaj
Image
Gjergj Dedaj
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat