AAK planifikon organizim të protestave kundër shtrenjtimit të rrymës

Aktuale

AAK planifikon organizim të protestave kundër shtrenjtimit të rrymës

Më: 18 janar 2022 Në ora: 17:49
Ramush Haradinaj

Aleanca për Ardhmërinë e Kosovës do ta shqyrtojë mundësinë e organizimit të protestave për të kundërshtuar shtrenjtimin e paralajmëruar të rrymës elektrike.

Kjo parti thotë se përderisa veriu i vendit nuk paguan fare për energjinë, është e padrejtë rritja enorme e çmimeve për pjesën tjetër të qytetarëve ku, sipas saj, goditën amvisëritë dhe bizneset.

“Aleanca ka përkrahur dhe do të lobojë vazhdimisht për miratimin e ligjit për donacionet për Ushtrinë, ku do të jepet mundësia që qytetarët, brenda vendit apo në diasporë, do të kenë mundësinë e dhurimit të mjeteve financiare për zhvillimin e Ushtrisë”, thotë kjo parti pas mbledhjes së mbajtur.

Gjithashtu, Kryesia e AAK-së ka krijuar grupet punuese për monitorimin e zgjedhjeve të brendshme partiake, në të gjitha nivelet. Po ashtu, janë formalizuar edhe udhëheqësit apo koordinatorët e departamenteve, seksionit për strategji dhe analizë, Forumit Ekonomik dhe zyrave profesionale.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat