Protesta kundër shtrenjtimit të rrymës, Molliqaj tregon se kur do të organizohet ajo

Aktuale

Protesta kundër shtrenjtimit të rrymës, Molliqaj tregon se kur do të organizohet ajo

Më: 20 janar 2022 Në ora: 07:53
Dardan Molliqaj

Kryetari i PSD-së, Dardan Molliqaj, njoftoi se do të organizojnë protestë në lidhje me rritjen e çmimit të energjisë. Sipas tij, kjo protestë do të organizohet para datës 29 janar, kur edhe është paraparë të merret vendimi për rritjen e çmimit të rrymës.

“Ne kemi pasur disa aksione, tri deri tani, nesër kemi mbledhje të kryesisë, ku do të diskutojmë për protestën, jemi duke e konsideruar seriozisht organizimin e protestës, para datës 29… Që do të ketë PSD-ja protestë, nuk ka dilemë”, ka thënë Molliqaj në Rubikon.

Ai tha se do të ishte mirë që KEDS-i të nacionalizohej, pasi edhe kështu shpenzimet po janë të mëdha për qytetarët. Molliqaj tha se zgjidhje për të dalë nga kriza do të ishte edhe përdorimi i energjisë së ripërtritshme si dhe të merrej më seriozoisht çështja e gazit.

“Nuk ka kësi rasti që një kompani private e vendos një procent që krejt fitimet ka me i marrë për vete, e kur ka krizë shteti ia mbulon humbjet. Unë kisha pasë qejf me e pasë një këso kompanie… Duke e ditur që situata të tilla edhe mund të na përsëriten, do të ishte mirë me liberalizu energjinë e ripërtritshme, që një vjet e kanë blloku… nën dy me konsideru seriozisht çështjen e gazit, dhe e treta ish dashtë me nacionalizu KEDS-in”, ka shtuar ai.

Protestë kundër shtrenjtimit të rrymës ka paralajmëruar edhe Aleanca për Ardhmërinë e Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat