Hajdari: Kosova nuk kishte si t’i shmangej krizës për rritjen e çmimeve

Aktuale

Hajdari: Kosova nuk kishte si t’i shmangej krizës për rritjen e çmimeve

Më: 20 janar 2022 Në ora: 14:14
Rozeta Hajdari

Ministrja e Industrisë Rozeta Hajdari ka deklaruar se rritja e inflacionit ka ardhur si rezultat i hapjes së ekonomisë pas pandemisë COVID-19.

Në debatin parlamentar për ngritjen enorme të çmimeve në vend, Hajdari tha se Kosova si vend importues nuk ka pasur mundësi t’i shmangej krizës për çmimet bazike.

“Muajt e fundit janë vërejtur rastet e shumta të rritjes së çmimeve në përgjithësi dhe veçanti për produktet e konsumit. Rritjet e çmimeve të lëndëve djegëse, naftës, gazit janë luhatur kohë pas kohe dhe ka ndikuar me automatizëm në rritjen e çmimeve, sidomos në të transportit dhe kjo është reflektuar edhe tregun e Kosovës, duke ditur se jemi vend me import të lartë në Kosovë. Kosova si vend importues nuk kishte si të ikte kësaj krize”, tha ajo.

Seanca e Kuvendit do të vazhdojë pas pauzës, në orën 15:00.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat