Djali i tij tregon ngjarjen se kush ia dhuroi presidentit Rugova portretin e Adem Jasharit

Aktuale

Djali i tij tregon ngjarjen se kush ia dhuroi presidentit Rugova portretin e Adem Jasharit

Më: 21 janar 2022 Në ora: 18:05
Në njërën nga dhomat e rezidencës është vërejtur një portret i komandantit Adem Jashari

Në 16 vjetorin e vdekjes së presidentit Ibrahim Rugova, media ka vizituar rezidencën e tij në Prishtinë dhe ka zhvilluar një intervistë me djalin e tij, Mendim Rugova i cili ka rrëfyer për disa nga gjërat që ka poseduar presidenti. Në njërën nga dhomat e rezidencës është vërejtur një portret i komandantit Adem Jashari e cila ishte dhuruar nga disa bashkëatdhetarë nga ShBA-ja.

Djali i presidentit Rugova, Mendim Rugova, ka treguar se portreti i Adem Jasharit ishte punuar në akuarel nga njëri prej vëllezërve Bytyçi.

“Kjo është një skicë që është i është dhuruar presidentit Rugova nga disa bashkëatdhetarë në ShBA, vëllezërit Bytyçi e njëri prej tyre pikturon në akuarel dhe e ka sjellë kur ka qenë në vizitë dhe i ka thënë presidentit unë po e vendosi këtu këtë portret”, tha Rugova.

I pyetur se cili ka qenë reagimi i presidentit Rugova për portretin e Adem Jasharit, Mendim Rugova tha se presidenti e ka lënë aty.

“Natyrisht presidenti e ka lënë pa problem”, tha ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat