​Specializantët do të protestojnë para Ministrisë së Shëndetësisë

Aktuale

​Specializantët do të protestojnë para Ministrisë së Shëndetësisë

Më: 22 janar 2022 Në ora: 19:04
Foto ilustrim

Këshilli i Specializanteve ka mbajtur sot një mbledhje ku është vendosur që të premten më 28 janar të mbajnë një protestë para objektit të Ministrisë së Shëndetësisë, pasi siç vlerësojnë, diskriminimi ndaj tyre veç është duke u thelluar edhe më shumë.

Sipas një njoftimi të këshillit, disa minuta para se të fillonte ky takim, kishin një njoftim jo zyrtar nga këshilltari i MSH-së që Do të propozohet nga Ministria e Shëndetësisë mbajtja e 2 kujdestarive të cilat do të paguhen si të zakonshme (50 euro) edhe nëse mbahen gjatë vikendit.

“Kujdestaritë më shumë se 2 do të paguhen përmes një extra kontrate nga SHSKUK. Çështja e specializanteve me vetëfinancim nuk do të zgjidhet së paku deri në gusht të 2022, për pak kohë do të fillon punën grupi punues për ndryshimin e udhëzimit administrativ. Ministri i Shëndetësisë për shkak të situatës me COVID19 nuk ka pas kohe të takohet me neve.

Për pagesën e specializanteve nga Mali i Zi, Maqedonia, Shqipëria është duke u punuar. Duke u bazuar në këto 5 pika, ne vlerësojmë që diskriminimi jonë veqse është duke u thelluar edhe më shumë. Duke u bazuar në këto pika dhe mos pranimin për takim me neve specializanteve nga ministri i Shëndetësisë, ne kemi marrë sot vendim që me datë 28.01.2022 (e premte) do të mbahet protestë para Ministrisë së Shëndetësisë në ora 10:00”, thuhet në njoftim, ku theksohet se më 24 janar në ora 12:00, do të mbahet mbledhja e radhës e Këshillit të Specializanteve ku do të vendosen detajet e protestës. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat