Dardan Sejdiu për nënkryetar nga PDK-ja, flasin nga dega e partisë në Prishtinë

Aktuale

Dardan Sejdiu për nënkryetar nga PDK-ja, flasin nga dega e partisë në Prishtinë

Më: 24 janar 2022 Në ora: 21:14
Dardan Sejdiu

Emri i Dardan Sejdiut i cili ka qenë nënkryetar i Prishtinës po përfolët që përsëri të marr këtë post por në rrethana tjera.

Ndonëse, kur ishte në këtë pozitë ishte pjesë e Lëvizjes Vetëvendosje, tani emri i tij po propozohet një parti tjetër.

Sejdiu po propozohet nga një pjesë e PDK-së e cila është në koalicion bashkë me LDK-në dhe kryetarin Përparim Rama.

Edhe pse zyrtarë të PDK-së thanë se nuk ka përçarje brenda partisë për emrin e Dardan Sejdiut e as ndonjë emër tjetër, media merr vesh se ka mospajtime rreth këtij emërimi.

Arben Gecaj, sekretar i Përgjithshëm i Degës së PDK’së në Prishtinë, në një prononcim tha se brenda PDK-së në Prishtinë është çdo gjë në rrjedha normale

“Dega e PDK‘së në Prishtinë është në konsulta dhe çdo gjë është në rrjedha normale. Nuk kemi asnjë informacion për pakënaqësi apo  lobim për ndonjë individ të caktuar. Mbledhjet e Kryesisë janë të rregullta, s’kemi ndasi as në  Kryesi e as në asamble”, është shprehur Gecaj.

Dardan Sejdiu, i cili ishte kritik i madh i ish-liderëve të PDK-së, Hashim Thaçit dhe Kadri Veselit, ishte afruar më pas me një grup brenda PDK-së së Prishtinës, të cilin e kishte përkrahur edhe në zgjedhjet e fundit lokale, por që nuk i ishte bashkuar zyrtarisht këtij subjekti politik.

Megjithatë, tani pas hyrjes në bashkëqeverisje të PDK-së me LDK-në në kryeqytet, lidershipi i ri i PDK-së së Prishtinës duke i shpërfillur të rinjtë e Prishtinës që me vite të tëra kanë dhënë kontribut si pjesë e PDK-së, mësohet se po këmbëngulin që Dardan Sejdiu të bëhet nënkryetar i Prishtinës si i propozuar i tyre.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat