​Reçica takon në Zvicër ekspertin e energjisë Adhurim Haxhimusa: Diaspora ka shumë potencial

Aktuale

​Reçica takon në Zvicër ekspertin e energjisë Adhurim Haxhimusa: Diaspora ka shumë potencial

Më: 25 janar 2022 Në ora: 20:24
Elmi Reçica

Deputeti i PDK-së Elmi Reçica, në vazhdën e takimeve me bashkatdhetarët në Zvicër, ka takuar sot ekspertin e fushës së energjisë Adhurim Haxhimusa.

Përmes një postimi në Facebook, Reçica shprehet se qytetarët e Kosovës në diasporë kanë arritur majat e suksesit në shumë pore të shoqërisë zvicerane. 

"Një prej të suksesshmëve është edhe Adhurim Haxhimusa, një intelektual i ri e shumë i suksesshëm, mik i imi dhe i familjes, doktorant i Universitetit të Vjenës, me temën “Rregullimi i industrive të rrjetës” me fokus të veçantë në energji, e shpallur si doktoraturë e vizionit. Adhurimi aktualisht ligjëron në Universitetin e Shkencave të Aplikueshme në Grizon të Zvicrës në Qendrën e Hulumtimeve të Politikave Ekonomike", shkruan ai. 

Reçica thekson se ekspertë si Adhurimi me njohuri të jashtëzakonshme për energjinë i nevojiten vendit. 

"Diaspora jonë është burim i dijes dhe përvojës. Është mundësi shumë e mirë për të marrë praktikat dhe njohuritë më të mira evropiane në fushën e energjisë me qëllim të përmirësimit të krizës, të shkaktuar nga një qeveri e padijshme dhe e papërgjegjshme, duke i lënë qytetarët në terr", shkruan ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat