Deputetja e LVV-së: Vendi i 87-të në listën e Transparency International nuk është për t’u lavdëruar

Aktuale

Deputetja e LVV-së: Vendi i 87-të në listën e Transparency International nuk është për t’u lavdëruar

Më: 25 janar 2022 Në ora: 21:21
Doarsa Kica-Xhelili

Deputetja e Lëvizjes Vetëvendosje, Doarsa Kica-Xhelili ka thënë se puna e Qeverisë ka dhënë impaktet e para dhe sipas saj kjo u dëshmua nga raporti i Transparency International.

Xhelili ka thënë se nuk është koha për t’u lavdëruar për raportin e Transparency International.

“Duhet të bëhemi të sinqertë, vendi i 87-të në listën e Transparency International nuk është lavd. Do të duhej të ishim shumë më mirë e jo në pjesën e kuqe, pavarësisht se është e kuqe e çeltë. Por vlen të cekim se për 17 vende jemi më lartë se viti i kaluar”, tha ajo.

Deputetja e LVV-së thotë se raporti i TI lidhet me perceptimin publik.

“A është lajm i mirë ky perceptim, sigurisht se po. Por nuk duhet të jemi euforik për këtë lëvizje. Është e rëndësishme se ngritja prej 17 vendeve ka kërkuar punë nga Qeveria”.

Kica-Xhelili thotë se është e vështirë të thyhet miti se institucionet janë të kapura.

Ajo thotë se ka ardhur koha që të kuptohet se pavarësia e institucioneve na bën hair të gjithëve.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat