Qeveria e vazhdon shtesën 10 përqindëshe, mjekët të pakënaqur

Aktuale

Qeveria e vazhdon shtesën 10 përqindëshe, mjekët të pakënaqur

Më: 26 janar 2022 Në ora: 20:39
Ilustrim

Në mbledhjen e 56-të të qeverisë së vendit u miratua pika e nëntë, e cila iu dedikua sektorit të shëndetësisë.

Kjo pikë parasheh vazhdimin e shtesave prej 10% të pagës bazë për profesionistët shëndetësorë deri në qershor, në këtë kohë pandemie.

Por cila është vlera monetare e kësaj shtese?

Kreu i Sindikatës së Infermierëve dhe Mamive, Përparim Berisha, tregon se mjekët, të cilat kanë pagë bazë prej 625 euro, marrin shtesa prej 62 euro, derisa infermierët të cilët janë në dy kategori për sa i përket rrogës bazë, me 377 dhe 425 euro, këto shtesa i marrin në vlerë prej 60 euro.

I njëjti thotë se e mira e këtij vendimi është se nuk ka dallime brenda stafit shëndetësor.

Kujtojmë se në fillim të pandemisë, mantelbardhët morën shtesa prej 300 euro, ku më pas u përgjysmuan deri te ky vendim i fundit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat