Çun Lajçi: Shporru more shpirtshitun, more zemër zi!

Aktuale

Çun Lajçi: Shporru more shpirtshitun, more zemër zi!

Nga: A.ZH Më: 27 janar 2022 Në ora: 16:22
Çun Lajçi

Aktori dhe shkrimtari i njohur Çun Lajçi, i ka reaguar një qytetarit nga Fushë Kosova, i cili e ka kritikuar për daljet e tij në sheshe për t'i rënë sharkisë.

Lajçi ka thënë se atij nuk i vjen turp që këndon këngë burime dhe se ai këndon për veten e tij, dhe jo qytetarin në fjalë, përcjell Bota sot.

"Shporru more shpirtshitun!", ka shkruar aktori në një postim në Facebook.

Reagimi i tij i plotë:

Njenit nga Fushë Kosova

More zemër zi! More trup i pa shpirt! More i vramë nga suksesi i nji artisti, qoftë me fjalën n’skenë, qoftë me fjalën n’letër qoftë me kangën n’instrumentin e popullit tim(se ti popull nuk paske, sipas mbiemnit)!

Si s’të vjetn turp t’me thuesh “na lodhe…je ba me dalë me lypë n’shesh…si s’të vjen marre tue i ra sharkisë…”?!

Mos i shtje hundët n’lugjet e hueja muj me t’thanë, se t’përgjakën e u vjen era!?

Mua s’me vjen turp prej kangës burimore, as prej instrumentit folklorik. Unë knoj për vetën time jo për zotninë tande. E postoj n’fb-un tim, e nuk të thërras me ndëgjua as me i lëxua shkrimet!

Unë n’sharki e derdhi dhimbjen, n’lahutë e mësoj historinë e gëzimin e shfaqi n’dy tela çiftelie, e ti dashke me ma ndalua!?!

Shporru more shpirtshitun!

 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat