Shkeli të dhënat personale të qytetarëve, dënohet ATK-ja

Aktuale

Shkeli të dhënat personale të qytetarëve, dënohet ATK-ja

Më: 27 janar 2022 Në ora: 18:13
Foto ilustrim

Agjencia për Informim dhe Privatësi ka dënuar sot Administratën Tatimore të Kosovës për shkelje të të dhënave personale të qytetarëve.

Komisionerja Krenare Sogojeva-Dërmaku ka thënë se ky vendim ndaj ATK-së është përfundimtar.

“Sot kemi publikuar dënimin e parë për ATK-në, formalisht ndaj vendimit të Agjencisë mund të hapet konflikti administrativ pran Gjykatës por gjithsesi, vendimi i Agjencisë është ekzekutiv dhe përfundimtar”, deklaroi ajo.

Më tutje, Sogojeva tha se ATK-ja ka publikuar të dhëna të ndjeshme të qytetarëve gjatë publikimit të listave me emrat e personave që nuk e kanë paguar tatimin.

“Për shkelje të të dhënave të dhënave personale. ATK-ja ka bëtë publike listën e personave që nuk e kanë paguar tatimin. Ka dhënë më shumë detaje duke e publikuar edhe numrin personal të individëve. Kjo ka ndodhur pasi Agjencia kohë më parë e ka lëshuar një shkresë për ATK-në që t’i heq ato lista apo t’i heq nga lista numrat personal të individëve apo të dhënat e ndjeshme, por nuk e ka bërë”, ka thënë ajo.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat