Deputeti i PDK-së, Mërgim Lushtaku, ka thënë se do të votojë kundër projekt-kodit civil që ua mundëson martesën personave të gjinisë së njëjtë.
Kështu u shpreh ai në një postim në Facebook, teksa shtoi se shumë shtete evropiane kanë ruajtur vlerat tradicionale të familjes së shëndoshë, po ashtu edhe vendet e rajonit.
Ai shtoi se edhe kancelarja Merkel kishte votuar kundër martesave mes gjinisë së njëjtë sepse siç e kishte theksuar ajo martesa është mes burrit edhe gruas.
Postimi i plotë:
Shumë shtete evropiane kanë ruajtur vlerat tradicionale të familjes së shëndoshë, po ashtu edhe vendet e rajonit. Madje edhe kancelarja Merkel kishte votuar kundër martesave mes gjinisë së njejtë sepse siç e kishte theksuar ajo martesa është mes burrit edhe gruas.
Andaj, edhe unë si përfaqësues i popullit do të votoj kundër Projekt Kodit Civil i cili ju jep hapësirë martesave mes gjinisë së njejtë, për arsye se jam pro familjes dhe se bie ndesh me ideologjinë politike që une ndjek dhe bindjet e mija personale.
Gjithashtu ftoj të gjithë deputetët e Kuvendit të Kosovës që të votojnë kundër këtij projekt kodi.
