E papritur, Hoxhë Gashi: Mos ju bëni zullum LGBT-së, feja islame nuk i gjykon ndjenjat e brendshme

Aktuale

E papritur, Hoxhë Gashi: Mos ju bëni zullum LGBT-së, feja islame nuk i gjykon ndjenjat e brendshme

Më: 24 shkurt 2022 Në ora: 15:21
Drilon Gashi

Hoxha Drilon Gashi, ka folur rreth komunitetit LGBTI dhe të drejtave të tyre.

Kjo për shkak se sot është paralajmëruar të votohet Projekt Kodi Civil i cili do të lejonte martesën mes gjinive të njëjta.

Përmes një statusi në Facebook, Gashi ka folur për kuptimin e fjalës LGBTI, ndërsa ka folur edhe për përkrahësit dhe kundërshtuesit e homoseksualizmit.

Ndër të tjerash, hoxha Gashi ka thënë se sa i përket fesë islame, ajo nuk i gjykon ndjenjat e brendshme të njerëzve të cilat vijnë në mënyrë natyrore, e për të cilat nuk ka kontroll, si ndjenja e dashurisë.

“Sa i përket fesë islame, ajo nuk i gjykon ndjenjat e brendshme të njerëzve të cilat vijnë në mënyrë natyrore, e për të cilat njeriu nuk ka kontrollë, si f.v. ndjenja e dashurisë. Të gjithë ata persona të cilët kanë tendenca të brendshme për shkak të ndjenjave të tyre, nuk mund të themi se po bëjnë haram, sepse harami e hallalli ndërlidhet me çështjet që njeriu ka zgjidhje në to apo sjelljet fakultative, e jo sjelljet kompulsive. Islami gjykon vetëm sjelljet e tona të cilat ne mund t’i kontrollojmë”, ka shkruar ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat