​Aprovohet lista e shitjes së aseteve në likuidim SHAL 55 për vendosje në tender publik

Aktuale

​Aprovohet lista e shitjes së aseteve në likuidim SHAL 55 për vendosje në tender publik

Më: 30 mars 2022 Në ora: 20:03
Foto ilustrim

Bordi i Drejtorëve të Agjencisë Kosovare të Privatizimit aprovoi sot listën e aseteve në likuidim SHAL 55 për vendosje në tender publik, ndërsa udhëzoi menaxhmentin që tarifat për pjesëmarrje në tender të jenë sa më të pranueshme për palët e interesuara.

Bordi në këtë mbledhje ratifikoi vendimin emergjent BD-160-1 të datës 23 mars 2022 për suspendimin e zëvendëskryesuesit të Bordit të Përkohshëm të NSH Inex Sharr Planina Brezovicë.

Po ashtu, Bordi pas shqyrtimit miratoi raportin vjetor të AKP-së për vitin 2021, ndërsa shpalli jo kompetente AKP-në për shqyrtimin e kërkesave për blerjen e banesave të NSH Trepça dhe bartjen e këtyre kërkesave nga AKP-ja te Ndërmarrja Publike Trepça.

Bordi aprovoi raportet e shpërndarjes për kreditorët Kombinati Drurit "Tefik Çanga", GJI110, Fabrika e Birrës, Pejë, PEJ013 dhe D.T.P. Mladost, GJI110.

Po ashtu u miratua edhe propozimi i Autoritetit të Likuidimit për heqje dorë të aseteve në procesin e likuidimit për çështje të interesit dhe qasjes publik për parcelat e PRZ006 NSH "NBI Suhareka", P-72116037-00055-3 ZK Savrovë, P-72116039-00868-5 ZK Sallagrazhdë, P-72116039-01273-9 ZK Sallagrazhdë, P-72116039-01291-2 ZK Sallagrazhdë, P-72116039-01340-0 ZK Sallagrazhdë dhe P-72116046-02679-2 ZK Shirokë. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat